ອົສເຕເລັຍ ຖືກຮຽກຮ້ອງໃຫ້ກົດດັນຣັຖະບານສປປລາວ ປະເດັນດ້ານສິດທິມະນຸດ
–ຕ້ອງແກ້ໄຂ ບັນຫາການບັງຄັບບຸກຄົນໃຫ້ສູນຫາຍ.
ແລະ ການປາບປາມຂ້າມຊາດ :
ອອສເຕເລັຍ ຖືກຮຽກຮ້ອງໃຫ້ກົດດັນລັດຖະບານລາວ ປະເດັນດ້ານສິດທິມະນຸດ.
- ຕ້ອງແກ້ໄຂບັນຫາການບັງຄັບບຸກຄົນໃຫ້ສູນຫາຍ.
- ແລະ ການປາບປາມຂ້າມຊາດ.
Human Rights Watch ໄດ້ອອກຖະແຫຼງການເມື່ອວັນທີ 16 ພະຈິກ 2025 ຮຽກຮ້ອງໃຫ້ເຈົ້າໜ້າທີ່ອອສເຕຣເລຍ ກົດດັນລັດຖະບານລາວ ໃຫ້ດຳເນີນຂັ້ນຕອນທີ່ເປັນຮູບປະທຳ ເພື່ອປັບປຸງສະຖານະການດ້ານສິດທິມະນຸດ.
.
ການຮຽກຮ້ອງນີ້ ເກີດຂຶ້ນກ່ອນໜ້າການເຈລະຈາດ້ານສິດທິມະນຸດ ອອສເຕຣເລຍ-ລາວ ຄັ້ງທີ 9, ເຊິ່ງມີກຳນົດຈັດຂຶ້ນທີ່ນະຄອນຫຼວງວຽງຈັນ ໃນວັນທີ 18 ພະຈິກ 2025
.
ໃນເອກະສານສະເໜີຕໍ່ກະຊວງການຕ່າງປະເທດ ແລະ ການຄ້າຂອງອອສເຕຣເລຍ ໃນເດືອນຕຸລາ, ຮີວແມນໄຣວ໊ອຊໄດ້ຮຽກຮ້ອງໃຫ້ເຈົ້າໜ້າທີ່ອອສເຕຣເລຍ ຍົກບັນຫາການໂຈມຕີຂອງລັດຖະບານລາວຕໍ່ນັກວິຈານ ແລະ ການລະເມີດສິດທິຂ້າມຊາຍແດນ, ທີ່ເອີ້ນວ່າ “ການປາບປາມຂ້າມຊາດ” (transnational repression), ຂຶ້ນມາປຶກສາຫາລືຢ່າງຈິງຈັງ.
.
ທ່ານ ນາງ Daniela Gavshon, ຜູ້ອຳນວຍການປະຈຳອອສເຕຣເລຍຂອງ Human Rights Watch ໄດ້ກ່າວວ່າ: “ລັດຖະບານລາວມີປະຫວັດການຈັບກຸມຕາມອຳເພີໃຈ, ການບັງຄັບບຸກຄົນໃຫ້ສູນຫາຍ ແລະ ການສັງຫານນອກກົດໝາຍຕໍ່ຜູ້ວິຈານ. ອອສເຕຣເລຍຄວນໃຊ້ເວທີການເຈລະຈາດ້ານສິດທິມະນຸດນີ້ ເປັນໂອກາດໃນການກົດດັນເຈົ້າໜ້າທີ່ລາວ ໃຫ້ສືບສວນຢ່າງເຕັມທີ່ ແລະ ດຳເນີນຄະດີຕາມສົມຄວນ ຕໍ່ຜູ້ທີ່ຮັບຜິດຊອບຕໍ່ການລະເມີດສິດທິຢ່າງຮ້າຍແຮງ”
.
ເຖິງແມ່ນວ່າລັດຖະບານລາວຈະປະຕິເສດຂໍ້ກ່າວຫາທີ່ວ່າຕົນໄດ້ລັກພາຕົວນັກເຄື່ອນໄຫວ, ນັກວິຈານ ແລະ ຜູ້ເຫັນຕ່າງທາງການເມືອງ ແຕ່ຮີວແມນໄຣວ໊ອຊໄດ້ຊີ້ໃຫ້ເຫັນວ່າ ເດືອນທັນວານີ້ ຈະເປັນວັນຄົບຮອບ 13 ປີ ຂອງການບັງຄັບບຸກຄົນໃຫ້ສູນຫາຍຂອງທ່ານ ສົມບັດ ສົມພອນ ຜູ້ນຳພາກປະຊາສັງຄົມລາວ, ເຊິ່ງກໍລະນີຂອງລາວສະແດງໃຫ້ເຫັນເຖິງການທີ່ຜູ້ກະທຳຜິດບໍ່ຖືກລົງໂທດຕໍ່ການລະເມີດສິດທິຢ່າງຮ້າຍແຮງ.
.
ໃນໄລຍະທົດສະວັດທີ່ຜ່ານມາ ມີລາຍງານວ່າລັດຖະບານລາວໄດ້ມີສ່ວນຮ່ວມໃນຂໍ້ຕົກລົງແລກປ່ຽນຜົນປະໂຫຍດກັບປະເທດເພື່ອນບ້ານ, ລວມທັງໄທ ແລະ ຈີນ ເພື່ອບັງຄັບສົ່ງຜູ້ເຫັນຕ່າງທີ່ລີ້ໄພກັບຄືນປະເທດ ຂໍ້ຕົກລົງນີ້ເອີ້ນວ່າ “ຕະຫຼາດແລກປ່ຽນ” ໂດຍມີຈຸດປະສົງເພື່ອຢັບຢັ້ງນັກວິຈານ ແລະ ຜູ້ເຫັນຕ່າງ, ຜູ້ເຄາະຮ້າຍຈາກການ “ແລກປ່ຽນ” ນີ້ ລວມມີທັງຜູ້ເຫັນຕ່າງຈາກປະເທດເພື່ອນບ້ານທີ່ຫຼົບໜີເຂົ້າໄປໃນປະເທດລາວ ແລະ ຜູ້ເຫັນຕ່າງຊາວລາວທີ່ຫຼົບໜີໄປປະເທດໄທ.
.
Human Rights Watch ຮຽກຮ້ອງໃຫ້ເຈົ້າໜ້າທີ່ອອສເຕຣເລຍ ກົດດັນໃຫ້ລັດຖະບານລາວ ໃຫ້ສັດຕະຍາບັນແກ່ອະນຸສັນຍາສາກົນວ່າດ້ວຍການປົກປ້ອງບຸກຄົນທຸກຄົນຈາກການບັງຄັບໃຫ້ສູນຫາຍ ເຊິ່ງລາວໄດ້ລົງນາມໄວ້ຕັ້ງແຕ່ປີ 2008 ເຈົ້າໜ້າທີ່ລາວຄວນເປີດເຜີຍສະຖານທີ່ ຫຼື ສະຖານະການຂອງຜູ້ທີ່ຖືກບັງຄັບໃຫ້ສູນຫາຍໂດຍທັນທີ ແລະ ຍຸຕິນະໂຍບາຍ ຫຼື ການປະຕິບັດໃດໆ ທີ່ສົມຮູ້ຮ່ວມຄິດກັບລັດຖະບານປະເທດເພື່ອນບ້ານ, ລວມທັງໄທ ທີ່ອຳນວຍຄວາມສະດວກໃຫ້ແກ່ການປາບປາມຂ້າມຊາດ.
.
ທ່ານ ນາງ Gavshon ໄດ້ກ່າວສະຫຼຸບວ່າ: “ການເຈລະຈາ ອອສເຕຣເລຍ-ລາວ ທີ່ຈະມາເຖິງນີ້ ເປັນສິ່ງຢ້ຳເຕືອນທີ່ສຳຄັນວ່າ ການພົວພັນສອງຝ່າຍແມ່ນຂຶ້ນກັບການເຄົາລົບສິດທິມະນຸດ ແລະ ຫຼັກນິຕິທຳ. ອອສເຕຣເລຍຄວນສຸມໃສ່ການໂຈມຕີຂອງລັດຖະບານລາວຕໍ່ນັກວິຈານ ແລະ ຄວາມຈຳເປັນໃນການແກ້ໄຂບັນຫາການບັງຄັບບຸກຄົນໃຫ້ສູນຫາຍ, ຍຸຕິການປາບປາມຂ້າມຊາດ ແລະ ກຳນົດມາດຕະຖານທີ່ຊັດເຈນ ເພື່ອຄວາມຄືບໜ້າດ້ານສິດທິມະນຸດ”
.
WeAreManushyan ♾ ມະນຸດເທົ່າທຽມກັນ
.
ອ້າງອີງຈາກ Human Rights Watch