👏🙏🏻🍃ມື້ນີ້ເປັນວັນ ອັດຖະມີບູຊາ ຄື ວັນຖວາຍພຣະເພີງພຣະພຸດທະສະຣີຣະຂອງອົງສົມເດັດພຣະສັມມາສັມພຸດທະເຈົ້າ ຫຼັງຈາກທີ່ພຣະອົງສະເດັດດັບຂັນທະປະຣິນິບພານໄປແລ້ວ ໘ວັນ ຖືເປັນວັນສຳຄັນທາງພຸດທະສາສນາອີກວັນໜຶ່ງ ກົງກັບແຮມ ໘ຄ່ຳ ເດືອນວິສາຂະ (ເດືອນຫົກ). ປີນີ້ກົງກັບ ວັນພະຫັດ ວັນທີ ໓໐ ພຶສະພາ ໒໐໒໔
ນອກຈາກນີ້ ຍັງເປັນວັນຄ້າຍວັນທີ່ພຣະນາງສິຣິມະຫາມາຍາ ຜູ້ເປັນພຸດທະມານດາສິ້ນພຣະຊົນ ຫຼັງຈາກປະສູດ ແລະເປັນວັນຄ້າຍວັນທີ່ພຣະພຸດທະເຈົ້າສະເຫວີຍວິມຸດຕິສຸກ ຕະຫຼອດ ໗ ວັນ ຫຼັງຕັດສະຮູ້ອີກດ້ວຍ.
ສະນັ້ນ, ພວກເຮົາທັງຫລາຍທີ່ເປັນຊາວພຸດ ຄວນລະນຶກເຖິງພຣະພຸດທະຄຸນ ຫຼື ພິຈາຣະນາພຸດທານຸສສະຕິກັມມະຖານ ດ້ວຍການຕັ້ງຈິດໄວ້ ແລະລະນຶກເຖິງຄຸນຂອງພຣະພຸດທະອົງ ເພື່ອນ້ອມຖວາຍເປັນພຸດທະບູຊາ ແລະເພື່ອຝຶກຈິດໃຈຂອງຕົນໃຫ້ເກີດເປັນບຸນກຸສົນ ເພື່ອໃຫ້ເກີດສະມາທິ ແລະເກີດປັນຍາ.
ເພສ: ຟັງທັມ-Listening dhamma