FreeMuay ວັນທີ 12 ກັນຍາ 2019, ນາງ ຫ້ວຍເຮືອງ ໄຊຍະບູລີ ຫຼື ໝວຍ ນັກເຄື່ອນໄຫວດ້ານສິ່ງແວດລ້ອມ ແລະ ນັກປົກປ້ອງສິດທິມະນຸດຍິງຊາວລາວ ທີ່ຖືກເຈົ້າຫນ້າທີ່ຈັບກຸມຂໍ້ຫາ ວິພາກວິຈານການບໍລິຫານຂອງລັດຖະບານ ຜ່ານສື່ສັງຄົມອອນລາຍ ໂດຍລາວຖືກກ່າວຫາວ່າໝິ່ນປະມາດ ແລະ ໂຄສະນາຕ້ານ ສປປ ລາວ ມາດຕາ 117 ຂອງປະມວນກົດໝາຍອາຍາ.
ໃນປີ 2018 ຫຼັງຈາກເກີດເຫດເຂື່ອນເຊປຽນ-ເຊນ້ຳນ້ອຍແຕກ ໝວຍໄດ້ອອກມາເວົ້າເຖິງຜົນກະທົບຂອງເຫດການດັ່ງກ່າວ ແລະ ຜົນກະທົບຕໍ່ຊຸມຊົນໃນເຂດພາກໃຕ້ຂອງລາວ ໂດຍອັດວິດິໂອເຟສບຸກຂະນະຢ້ຽມຊົມທີ່ພັກຂອງຊາວບ້ານ ທີ່ຕ້ອງໄຮ້ທີ່ຢູ່ອາໄສ, ເມື່ອວັນທີ 5 ກັນຍາ 2019 ລາວໄດ້ອອກມາວິຈານການຕອບສະນອງທີ່ຫຼ້າຊ້າຂອງລັດຖະບານ ໃນການໃຫ້ຄວາມຊ່ວຍເຫຼືອແກ່ຜູ້ປະສົບໄພນ້ຳຖ້ວມຫນັກທາງພາກໃຕ້ ແລະ ດຶງຄວາມສົນໃຈໄປທີ່ຄວາມຫຼົ່ມເຫລຼວຂອງລັດຖະບານທີ່ບໍ່ຮຽນຮູ້ຄວາມຜິດພາດຂອງຕົນ, ໂດຍວິດິໂອມີຍອດເຂົ້າເບິ່ງຫຼາຍກກວ່າ 173,000 ຄັ້ງ ແລະ ນຳໄປສູ່ການຈັບກຸມໝວຍ.
“ຂ້ອຍບໍ່ສາມາດງຽບໄດ້ຄືໃນອະດີດ ຍຸກການປົກຄອງປິດຕາປິດປາກປະຊາຊົນໄດ້ຈົບລົງແລ້ວ” ໝວຍກ່າວ…
ໝວຍຖືກກັກຂັງຈົນເລີ່ມການພິຈາລະນາຄະດີ ຜ່ານໄປໜື່ງເດືອນລາວບໍ່ໄດ້ຮັບອະນຸຍາດໃຫ້ຕິດຕໍ່ກັບຄອບຄົວ ແລະ ທະນາຍຄວາມ, ບໍ່ມີໂອກາດໂຕ້ແຍ້ງຄວາມຖືກຕ້ອງຕາມກົດໝາຍທີ່ກັກຂັງລາວ. ນອກຈາກນີ້ລາວຍັງບໍ່ໄດ້ຮັບອະນຸຍາດໃຫ້ແຕ່ງຕັ້ງທະນາຍຄວາມຂອງຕົນເອງ ສຳລັບການພິຈາລະນາຄະດີໃນປີນັ້ນ, ຫຼັງຈາກການພິຈາລະນາຄະດີທີ່ລະເມີດສິດທິໃນຂະບວນການຍຸຕິທຳຂອງ ໝວຍ ລາວຖືກຕັດສິນຈຳຄຸກ 5 ປີ ແລະ ປັບ 20 ລ້ານກີບ ມາຮອດເດືອນທັນວາ 2023 ລາວຍັງຄົງຢູ່ໃນຄຸກ.
ພາຍໃຕ້ເງົາຂອງລະບອບຜະເດັດການ ເລື່ອງລາວຂອງ ໝວຍ ກາຍເປັນເຄື່ອງພິສູດເຖິງຄວາມໂຫດຮ້າຍ ທີ່ປະຊາຊົນລາວຕ້ອງອົດທົນຕໍ່ເນື່ອງ. ມູນນິທິມະນຸດສະຍະຕະນັກເຖິງຄວາມຈຳເປັນທີ່ໝວຍຕ້ອງໄດ້ຮັບຄວາມຍຸຕິທຳ ແລະ ຄວາມຕ້ອງການທີ່ຈະບອກຄວາມຈິງກ່ຽວກັບ #WhatsHappeningInLaos ແລະ ຄວາມຍາກລຳບາກຂອງນັກປົກປ້ອງສິດທິມະນຸດຍິງ.
ມະນຸດສະຍະໄດ້ຮຽກຮ້ອງຢ່າງບໍ່ອິດເມື່ອຍ ຕັ້ງແຕ່ເດືອນມີນາ 2020 ຂໍໃຫ້ປ່ອຍ ໜວຍ ອອກຈາກຄຸກ, ການກະທຳດັ່ງກ່າວເປັນສິ່ງທີ່ລັດຖະບານລາວຕ້ອງຮັບຜິດຊອບ ໂດຍການເປີດເຜີຍຄວາມຈິງກັບການໃຊ້ອຳນາດຜະເດັດການອອນລາຍ ແລະ ການກະທຳທີ່ໂຫດຮ້າຍຂອງລະບອບການປົກຄອງ.
ເຮົາຂໍເຊີນຊວນໃຫ້ທຸກຄົນຮ່ວມນົນນະລົງເພື່ອປ່ອຍໝວຍອອກຈາກຄຸກ
#WeAreManushyan ມະນຸດເທົ່າທຽມກັນ
#ຖ້າການເມືອງລາວດີ