https://www.facebook.com/groups/groupesluangprabng/permalink/3078631975545696/
ເຈົ້າໜ້າທີ່ຢຶດໄມ້ 4 ລົດ ຄອນເທນເນີ ຢູ່ແຂວງອັດຕະປື
ເຈົ້າໜ້າທີ່ສະເພາະກິດຢຶດໄມ້ 4 ລົດຄອນເທນ ຢູ່ດ່ານສາກົນພູເກືອ ແຂວງອັດຕະປື ໃນວັນທີ 1 ກໍຣະກະດາ ທີ່ຜ່ານມາ.
ເຈົ້າໜ້າທີ່ພາສີ ທ່ານນຶ່ງ ຜູ້ທີ່ບໍ່ປະສົງອອກຊື່ ແລະ ສຽງ ໄດ້ກ່າວຕໍ່ເອເຊັຍເສຣີ ວ່າ: ເຈົ້າໜ້າທີ່ສະເພາະກິດຈາກສູນກາງ ເປັນຜູ້ລົງໄປຢຶດໄມ້ຈຳນວນດັ່ງກ່າວ ກ່ອນທີ່ຈະຖືກສົ່ງຜ່ານດ່ານໄປປະເທດວຽດນາມ.
ປະຊາຊົນແຂວງອັດຕະປື ຜູ້ທີ່ຮູ້ເຫດການ ໄດ້ກ່າວຕໍ່ເອເຊັຽເສຣີ ວ່າ: ໄມ້ຢູ່ໃນລົດຄອນເທນເນີ 4 ຄັນ ມີບໍລິມາດປະມານ 240 ແມັດກ້ອນ ທີ່ບໍ່ມີການແປຮູບ ຊຶ່ງໄມ້ຈຳນວນດັ່ງກ່າວເປັນຂອງ ນັກທຸລະກິດ ຢູ່ແຂວງອັດຕະປື.
ປະຊາຊົນທ່ານນີ້ ກ່າວອີກວ່າ: ປັດຈຸບັນ ເຈົ້າໜ້າທີ່ສະເພາະກິດ ກຳລັງກວດກາໄມ້ດັ່ງກ່າວ ແລະ ຍັງກັກໄວ້ຢູ່ດ່ານສາກົນພູເກືອ ເມືອງພູວົງ ແຂວງ ອັດຕະປື.
ຣັຖບານລາວ ໄດ້ອອກຄຳສັ່ງເລກທີ 15 ຫ້າມສົ່ງອອກໄມ້ ທີ່ບໍ່ໄດ້ແປຮູບ
ຖ້າມີຄວາມຄືບໜ້າ ເອເຊັຽເສຣີ ຈະລາຍງານໃຫ້ທ່ານຊາບອີກ.
ຮູບພາບ: ລົດຄອນເທນເນີ ປ້າຍທະບຽນວຽດນາມ ທີ່ບັນຈຸໄມ້ເຕັມຄັນລົດ. ຖ່າຍໂດຍ ນັກຂ່າວພົນລະເມືອງ.
(ຂ່າວຈາກວິທະຍຸເອເຊັຍເສຣີ)